ភ្នំពេញ៖ កម្ពុជានឹងបន្តមានភ្លៀងធ្លាក់ដោយចាប់ពីថ្ងៃទី៩-១១ ខែតុលា ក្នុងកម្រិតពីខ្សោយទៅបង្គួរ លាយឡំជាមួយនឹងផ្គររន្ទះ និងខ្យល់កន្ត្រាក់ ជាមួយនឹងទំហំទឹកភ្លៀងធ្លាក់គ្របដណ្តប់លើផ្ទៃដីពី ៥០-៦០%។

សេចក្តីជូនដំណឹងរបស់ ក្រសួងធនធានទឹក និងឧតុនិយម នាថ្ងៃចន្ទ ទី៩ ខែតុលា ឆ្នាំ២០២៣ ឱ្យដឹងថា កម្ពុជាបន្តទទួលឥទ្ធិពលពីប្រព័ន្ធសម្ពាធទាប (ITCZ) អូសបន្លាយ លើប៉ែកខាងក្រោមនៃអាងមេគង្គប្រទេសថៃ និងប្រទេសឡាវ ជាមួយនឹងខ្យល់មូសុងនិរតី បក់មធ្យម។ ចំណែក ព្យុះទី១៤ ឈ្មោះ កយនុយ" Koinu" នឹងដើរចូលទៅដល់ឈូង តុងកឹងប្រទេសចិន នៅថ្ងៃទី១១ ខែតុលា ឆ្នាំ២០២៣ មុននឹងថមថយឥទ្ធិពលមកជា សម្ពាធទាបនឹងពុំមានឥទ្ធិពលមកដល់លើកម្ពុជាទ។

ក្រសួងធនធានទឹកបានឱ្យដឹងទៀតថា ស្ថានភាពខាងលើនឹងធ្វើឱ្យ ចាប់ពីថ្ងៃទី៩-១១ ខែតុលា រាជធានីភ្នំពេញ និងបណ្តាខេត្តនានា អាចមានភ្លៀងធ្លាក់នៅក្នុងកម្រិតពីខ្សោយទៅបង្គួរ លាយឡំជាមួយនឹងផ្គររន្ទះ និងខ្យល់កន្ត្រាក់ ជាមួយនឹងទំហំទឹកភ្លៀងធ្លាក់គ្របដណ្តប់លើផ្ទៃដីពី ៥០-៦០%៕